Sun Rise

 మ||

చనుదెంచెన్ రవి మంత్రముగ్ధగతసంజాతుండు ఖండాంతరా

ర్చనలన్ గొంచు ననేకదేశములనాచారంబులన్, చిత్తముల్

ధ్వనియించన్ ప్రణవంబునందు కనులన్ దర్శించు మాత్రంబునన్,

ఘనవర్ణార్ణవసిక్తమైగను నభోఘంటాపథజ్వాలయై

ఆదిపూడి రోహిత్ 🙏🏻🙏🏻

On a railway track passing through a canopy of greenery

 చం||

చుకుచుకుమంచు రైళ్ళు వని జొచ్చుకువోవుచునుండ చుట్టు ప్రా

కు కుజలతల్ గ్రహించి ఘనగుంభనవైఖరి జూపవైచి భం

జకములు గాక బ్రాకె దివిజాధిపుఛాపము రూపు దాల్చుచున్  

ప్రకృతిని శక్తి గూర్చనిల వైభవమున్ దెలుపంగశక్యమే?

కం||

రైలు బయల్పడు దారిని

దూలక శాకములనొప్పె తూగుచునుండన్

డోలిక వలె రూపుగనుచు

వ్రాలెడి పత్రములవర్షపాతమునిడుచున్

ఆ.వె||

అందమైన వనమునందునురుకు రైలు

అచట లతలు ప్రాకెనాకశముకు

కప్పు వలెనమరుచు కలిగించెనాహ్లాద

భరితమైన సొగసు బాటయందు

తే.గీ||

రైలుపట్టాలు పుట్టలన్ రమ్యరసభ

రితముగా దోచు లతలయన్ లీనమయ్యె

వనమునన్ యానమునుజేయ వాంఛగలిగె

అమరపురికేగు దారిదేయనుచు దోచె

ఆదిపూడి రోహిత్