కృష్ణుడూ రాధా కలిసి వనములో వారు ఉండగా ప్రణయములో రాధ కృష్ణుని ముఖమును దగ్గరగా జూస్తూ ఆయన ముఖసౌష్ఠవానికి ముగ్ధురాలై ఆయన ముక్కును ముద్దు పెట్టుకున్నది.
ఉ||
శీతలసంధ్యయన్ వనము జేరగ రాధ సఖాసమేతయై
పాతములై గనన్ ప్రణయవర్షసుధారసధారలిద్దరున్
జూతురు మోము మోము గని! సుందరసౌష్ఠవకృష్ణు మోమునన్
ఘ్రాతిని గాంచి ముద్దులిడె రాధమనంబున మోదమొందుచున్!
ఆదిపూడి రోహిత్ 🙏🏻🙏🏻🙏🏻
చం||
నడువడి లేని జీవితము నాదని మూలన గూర్చొనన్ విడన్
దొడదొడ గంతులేయగల దూకుడు లేదననేడుపున్ విడన్
పుడమిని మించునోర్పుగని పూనికతోడ సుయోగమార్గమున్
కడు దృఢనిశ్చయంబు గని కాంత దలంపనసాధ్యమేమిలన్?
ఆదిపూడి రోహిత్ శర్మ
1. Indiscriminate and unethical meat consumption
ఉ||
ఏ గహనంబునందొ సెలయేరులనో గుహలందునో గనన్
డేగల గ్రద్దలన్ మరొకటేమని జెప్పగలేని జీవులన్
తీగల గట్టి దెచ్చి ఘనదీనపరిస్థితులందు బెట్టుచున్
వీగెను మానవాధములు, వేడ్క శృతిన్ గని రాగమొందెడిన్
2. When such massive endeavors are being made to contain the virus, what's your problem just staying home?
శా||
విజ్ఞానంబను పగ్గముల్ నవయుగాన్వేషధ్వజంబున్ బృహ
ద్ప్రజ్ఞాశాలులు క్షత్రియుల్, సుగుణసంపన్నాత్ములున్ సారథుల్,
యజ్ఞంబున్ వలె యుద్ధమున్ వదులజేయంగన్ కరోనాను లో
కజ్ఞత్వంబునునెల్లరున్ గనుచు దిగ్బంధంబునందుండరే?
3. The conditions of migrant workers, ah! Amazing isn't it?
(వ్యంగ్యము)
ఉ||
కార్మికులెల్లరున్ విషమగాథల బోలు పథంబునేగగన్
ఘర్మజలంబులేరులుగ గార్చిరి వారు కరోన వల్ల యే
ధర్మవిభుండు వారి ఘనదైన్యపరిస్థితినుండి దీసె? ఛీ!
దుర్మతి రాజుగాగ బరితోషము గైకొనిరెల్లవారలున్!
4. People will have to eat dirt if the economy can't bounce back.
ఉ||
పొట్టను జేతబట్టుకుని బుట్టెడు వస్తువులమ్మగోరుచున్
తట్టల క్రొద్ది బాధలను దాల్చగ నెత్తిన వాడవాడలన్
కట్టడి జేయ వర్తనమగాధమునందు కరోన బెట్టగన్
మట్టిని మ్రింగునే సగటుమానవుడీవిధియే బలీయమౌ!
ఆదిపూడి వెంకట రోహిత్
ఆధ్యాత్మిక పూరణ:
మ||
సులువే నీ పదపంకజద్వయము సంక్షోభాత్ములౌచున్ గనన్?
పలు విద్యాదితపోబలప్రకటితప్రాబల్యశక్త్యాదులన్
ఫలిలంబౌ రసరమ్యమౌ ద్రవముతో వ్రాయంగ చిద్ఘంట లే
ఖలు నిం గొల్చినవాడె యర్హుడగు మోక్షంబందగా నిచ్చెలున్
విరుపు: లేఖలు
ఆదిపూడి రోహిత్
ద్రోణార్జునుల అనుబంధము అపూర్వము. నిరుపమానము. 🙏🏻🙏🏻
మ||
గురుశిష్యుల్ శరఛాపముల్ గనిన భూగోళంబునన్ పార్థునిన్
మరియున్ ద్రోణుని దల్తురెల్లరును సామాన్యంబుగా. జిష్ణునిన్
గురి పక్షిన్ విడనక్షుమధ్యములగున్ లోకోత్తరశ్రేష్ఠతన్
గురువున్ మించిన శిష్యుడీతడయెనీక్షోణిన్ సమారూఢిగన్
ఆదిపూడి రోహిత్ 🙏🏻🙏🏻🙏🏻
"విరాటుడి దగ్గర తలదాచుకున్న పాండవులు ఆయన గోధనాన్ని రక్షించే సన్నివేశం.."
మ||
కురుసైన్యంబు విరాటరాజ్యమును కంక్షోభంబునన్ బెట్ట గో
సిరులన్ బంధనజేయ పాండవులు నిక్షేపంబు రక్షింపనీ
తెరనెత్తంగ ముహూర్తమిద్దెయననుత్తేజంబుతో పోరునీ
పరతంత్రుల్ చరియింత్రు దీనజనకల్పక్ష్మాజ సాదృశ్యులై
2వ పూరణ:
మ||
వరముల్ జిమ్ముచునైదువత్సరములవ్వన్ వీధులన్ నాయకుల్
పరమప్రేమల జూపి 'ఫ్రీ' ధనము సంపాదించకే యిచ్చెడిన్
తరుణోపాయముగా ప్రజావనరులన్ దాక్షిణ్యభావంబుతోన్
పరతంత్రుల్ చరియింత్రు దీనజనకల్పక్ష్మాజ సాదృశ్యులై
ఆదిపూడి రోహిత్
2వ సారి రాముని అండతో వాలి ని యుద్ధాని రమ్మంటూ సుగ్రీవుని ప్రలాపము:
శా||
కోపంబున్ నను రాజ్యవీధులనిడన్ క్షోబించెడిన్ నా సతిన్
కాపాడంగ పలాయనంబిడితినింకన్ జాలు వాలీ! నినున్
రాపాడన్ గడు ముచ్చటైనదిట రా! రా! రా ప్రహారంబుకున్!
నాపై యుద్ధమటన్న మేలయిన విన్యాసంబగున్ సోదరా!
ఆదిపూడి రోహిత్
అందరూ చేపలబుట్టలో చేపలే చూస్తారు.. విప్రులు ఆ మీనాక్షీ అమ్మవారిని చూస్తారు..
కవిలులు మాత్రము వ్యాసభగవానుని తలుచుకుని వ్రాస్తారు గావున...అసాధారణ భావాలకోసం చూస్తూ వ్రాద్దామనుకుంటారు, అసాధారణమైనటువన్నీ చూస్తారు.. అవి చాలవు కొన్ని సందర్భాలలో..
అందరికీ తన్మాత్రలున్నట్టే కవికి ఒక extra వికటతన్మాత్ర ఉంటుంది.. అదిపోయినప్పుడు ఈ రొండిటినీ కలుపడమే దానికి మందు గా భావించి కలుపుతుంటారు😀😀
శా||
మత్స్యాధానమునందు జూడ గను సామాన్యంబుగన్ చేపలన్
మత్స్యాక్షిన్ గను విప్రవర్యులు దగన్ మత్స్యోదరీయస్పృహన్
మత్స్యోచ్ఛిష్టము జాలునే వికటతన్మాత్రావియోగంబునన్
మత్స్యక్షీరము బిల్లికొమ్ము గలుపన్ మందౌ కవీంద్రాళికిన్
ఆదిపూడి రోహిత్🙏🏻🙏🏻
